| 禮拜五晚番到香港啦~~~ 嗰日伊藤由奈都喺咗香港呀...=,= 
好想去c3日本動玩博覽睇佢個show...
好想去佢個簽唱會呀...
無奈我一朝早重喺廈門...>.<
還好禮拜六晚喺"最受歡迎廣告頒獎典禮"睇到佢...總算係有番d安慰~~~
唉...希望佢快d嚟香港開show啦~~~
睇完頒獎典禮...又睇咗場可能係今季最好睇嘅一場比賽... 落後兩球之後...反勝三球~~~ 
前幾日日本組合smap成員草彅剛...
飲醉酒喺公園俾人發現佢全身冇著衫...
事發第二日佢就開記招講"sorry"~~~
我就諗啦...通常大部份日本藝人做錯嘢都會即刻記招講"sorry"... 唔似香港等件事發生咗之後...十個有九都係會迴避問題~~~ 當然唔敢話傳媒方面完全啱哂...可能有時唔多唔少都會炒作成份... 不過如果件事真係你錯嘅話...咪認咗佢囉... 到件事已經發生到冇可挽救嘅情況之下... 就算講幾多句"我好天真""我好後悔"都冇用啦~~~ 禮拜日我d國內同學嚟香港玩...帶咗佢喺旺角行咗成日~~~ 見佢哋買到佢哋想買嘅嘢...我都好開心~~~ 有機會記得再嚟玩過~~~^* |
| |
| 呢個禮拜大部份時間都係喺”休閒”中度過… 最忙都係禮拜三同禮拜四…每日要交一樣功課… 好彩有人幫手…最後還算攪掂~~~ 禮拜三一路畫圖一路睇波… ronaldo嗰球真係靚到…@0@ 
唔知係咪衝咗兩日…跟住到下個禮拜三先有功課交… 本身諗住唞半日就開工做啲… 點知最後敵不過惰性…走咗上去樓上玩x box… 玩埋resident evil 5個ending之後… 就搵咗求其搵咗隻叫alone in the dark… 
開頭覺得好難玩好難控制…但係玩玩吓又覺得幾好玩~~~ 反而隻resident evil 5真係比較失望…聽講重話出第六集…=_= |
| |
| 放5.1番香港之前…真係功課一大蘿… 睇嚟學校想我哋放假之前… 都冇可能會有一夕安寢~~~ 自上個禮拜交完份博物館設計之後…  
跟住又要交CAD… 樓盤單位分析重有個偉大建築師嘅分析報告… 簡直係放假之前最好嘅禮物呀~~~ 除咗"多謝哂"我都諗唔到第二句啦~~~ “申”完日子都係要咁過…功課照樣都係要交~~~ 唯有繼續努力…係咁…下個禮拜再講過啦~~~ P.S: 如無意外24/4夜晚會番到香港…到時見~~~ |
| |
| 又一個禮拜啦… 距離我番香港嘅時間又近咗啦~~~ 成個禮拜好似冇點上過堂咁... 唔番學總會有好多好多原因… 我就剩係得一個原因…就是做設計… 雖然做設計唔係可以話大條道理唔番學… 不過逢親交設計前一兩個禮拜… 做咩都好似無心機… 但係又唔見得畫圖做設計又好有心機~~~ 講到尾都係想快d攪掂…唔想等到交圖前一日先嚟趕… 次次趕親圖唔係漏嗰樣就係漏嗰樣~~~ 希望今次交圖前會有覺好瞓啦~~~ 之前重計劃同d同學交完圖要大玩特玩…hohoooo~~~ 尋日好似係我嘅血光之日… 先先係出門口食手背撞到床背… 由於係趕出門口…衝力都好大… 撞到手背有兩個血窿…好似啱啱俾彊屍咬咗啖… 之後就係睇波…當manu追平之後… 我開心到腳跟位撞到椗腳流血… 哈哈…不過咪就當擋災囉~~~ 不過尋晚場波真係好好睇… 由其是補時入嗰球…真係靚呢~~~… 由落後到追平到贏埋… 現場睇一定好正!!! |
| |
| 重有兩個禮拜都唔夠…就要交設計… 好彩今次進展可以係year 2同到宜家嚟講最快嘅一次~~~ 希望9/4前嗰就算通宵都唔會做到咁趕咁辛苦啦~~~ 自從上次歌唱比賽幫人打完鼓…. 陸陸續續都有人想搵我組band或者幫佢哋做support drummer… 組band現階段我覺得時間好似都唔係咁啱… 呢排功課…設計…差唔多都要排到四月尾… 如果重要組埋band…我實死硬… 上個學期已經證實到我係完全唔可以兼顧到兩樣嘢… 最後攪到因為學生會…下年重要retake番幾科… 呢個學期唔可以再係咁…一定要追番d成績… 所以揀咗幫人做support…接d散show嚟玩… 好似重好d…又有得玩…又唔會話太影響正常嘅時間表… 忙嘅唔得閒嘅咪唔玩囉~~~ 大學走堂就已經唔係新鮮事…不過老師都走堂你又聽過未… 有日上堂入到課堂時間啱啱好…坐低等咗二十分鐘 點知miss都係未出現…咩通知又冇…無奈就番歸… 好彩踩單車番學都算好快… 如果唔係番嚟一陣又再行番宿舍…真係無鬼聊~~~ 呢幾日係計劃緊”五一”番香港嘅事…喺度砌咗個時間表… 睇吓點樣先放得最多日又請假請得最少日~~~ 至於幾日就…ummmmm…重未決定到~~~~ 知再你哋知啦...下禮拜再見~~~ aaa…係呀係呀...下個禮拜踢五人啦… 如果入到第二圈我已經心滿足嫁啦… 當然如果入到final就最好啦… 但係諗多都係冇謂…行動最實際~~~ 下禮拜設計…同練波都要加油…嗨!!! byeee~~~ |
| |
