| 好耐冇上嚟寫過嘢啦... 次次番到廈門之後都上唔到xanga... 之前開咗yahoo blog...點知大陸宜家連yahoo都block埋...唉... 大家有冇另外d blog嘅介紹呀??? 禮拜一番到香港啦...番嚟幾日好似都冇咩好嘢發生... 電話個mon又壞...要拎五百幾蚊去整... summer完咗再番去補考... 都唔明永遠有信心嘅科目永遠都係補考... 考得麻麻地都會合格又會考唔錯嗰喎...唉... 我頭上呢舊烏雲幾時先走呀...我幾時先見到陽光呀... |
| |
| happy birthday to janice kwok!!! have fun on wednesday!!!^^ 禮拜六去咗泉州同香港澳門”送舊”… 雖然澳門嗰邊大部份都唔識…剩係識得阿朱佢哋幾個~~~ 但係其他澳門人好nice好好玩…i have a great night~~~ 重有一個月多d就放暑假啦…重有一個月多要捱呀~~~ |
| |
| 二選一…好難揀… 難道天秤座嘅人真係最怕做選擇? 中學時代一名最鍾意最尊敬其中一名對我影響最深遠嘅老師… 自從中三之後就全家移民咗去外國… 三年佢突然番咗嚟香港… 跟住同以前一班同學同佢食咗飯… 大概一個禮拜之前…收到消息佢又番咗嚟香港… 但係可惜今次人重喺外地… 另外學生會…香港地區代表d工作…功課…設計…考試堆到一山都係… 有一秒曾經諗過不如鼠番去一日再番嚟… 雖然我真係真係真係好想番食呢餐飯… 但係認真咁諗過之後…各方面好似都是弊多過利… 好似時間…金錢…精神方面都唔多化算… 所以最後唯有選擇唔去啦…唉… 做呢個選擇無奈真係掙扎咗好耐… 自己都為咗呢件事唔開心咗半日… 不過人係咁嫁啦…人愈大…可以做到嘅選擇就愈嚟愈少… 或者咁睇…可能會開心d… 希望下次miss ngan番嚟唔會再係三年之後啦… 曾經苦悶咗成個禮拜嘅設計…總算有d起色… 原來對住份設計…但係又諗唔出嘢… 個感覺真係好難受…宜家總算鬆咗一口氣… 雖然係咁…不過剩落嚟嘅時間仍然係要踩行油~~~ 希望唔好炒車啦… 呢排好out咁終於開始玩”restaurant city”啦… 好多方面都重喺研究階段… 希望大家多多指教啦…哈哈~~~ 晏晝睇咗vamps新出嘅dvd… 同hyde之前solo嗰陣嘅rundown大同小異… 最多都多多幾首新歌~~~ 最surprise嘅反而係hyde會發出瑩光藍色嘅眼球… 好似underworld裡面kate beckinsale嗰角色受到刺激之後… 眼珠都會變成藍色… 件事發生喺hyde身上都幾型呀…哈~~~
禮拜三晚就final啦…好緊張又好期待… 希望…都係踢先講啦…宜家講到飛天都冇用~~~ p.s: happy birthday to marrie, cindy & gela!!! |
| |
| 終於有時間上嚟偷吓懶啦… man united攞咗英超冠軍啦…yeah...glory glory man united!!! 27號晚要拎埋歐冠呀!!!>0<(p.s我身邊好多朋友嗰晚都會捧巴塞=,=) 禮拜六去咗唱k…最後去咗聽人爆料… 真係好爆…我真係要對嗰個人重新評價…=,= 呢排發覺自己好懶…由其是份設計… 成日都提唔起勁去做…唔通要殺到埋身先知死…唔好啦...>< 尋日因為做報告資料收集嘅關係…終於去咗人哋話廈門必去旅點”鼓浪嶼”... 行咗成日…真係腳都斷呀…影咗兩百幾張相…好滿足呀!!! 前幾日喺朋友口中知道laker入咗playoff final...好開心!!! 不僅第一隊鍾意嘅球隊就係laker…雖然自從初中時代之後… 都冇點睇nba啦…不過宜家仍然係好鍾意佢哋~~~ 呢個月出好多新碟呀…上個禮拜有vamps… 呢個禮拜有等十年嘅green day…月底有伊藤由奈… 遲d聽講blink 182又話重經出碟…好期待!!! |
| |
| 禮拜一朝早番到廈門啦~~~ 每次坐車番總會做好準備… 部mp3一定會入定大量新碟新歌…903啲電台節目… 當中緊係唔少得由中妹提供joey新鮮滾熱辣嘅新碟”a time for us”啦~~~ 以便瞓唔著都唔洗咁悶~~~ 呢次5.1番香港都算係放吓假… 跟住落嚟到暑假之前…又忙到死啦~~~ 不過今次假期有啲啲失望… 之前plan好嘅一啲節目一啲計劃… 因為總總嘅原因實因實現唔到~~~ 好似今次做酒店設計…本來諗住番買啲參考書番去… 點知行咗半日page one都睇唔啱… 還好都最後約到vicky睇x-men… 跟住又約到子鍵佢哋食lunch… 重有bonus同英國嘅大中細妹skype三個鐘…哈哈….好開心~~~ 番到嚟幾日忙到未停過咁制… 除咗禮拜三份報告之外…又要幫手攪學院個展覽… 喺睡眠極度唔夠足嘅情況之下… 重通宵咗兩晚睇波…真係自己攞嚟衰… 覺得作客喺人哋個主場贏波真係好爽…>u< 由其是當外界都係睇好主場嘅球隊嘅時候…哈哈~~~ 1st goal…so proud of score by a asian!!! 2nd goal…完全呆咗…哈哈… 3rd goal…好刺動…主場球迷嘅”公敵”雙殺!!! 據知身邊親戚朋友都有好多arsenal嘅fans… 希望佢哋見我呢篇post唔好嬲咗我同絕交就好啦… 呢排愈嚟愈唔鍾意啲無聊友喺forum開埋哂啲無聊post… 一日未踢…俾你講到天光龍鳳俾飛天又下海都冇用啦… The goal tells you everything!!! 好似今次咁踢完之後…啲無聊友即刻冇哂聲氣~~~ 至於尋晚chelsea個場中立咁睇…覺得真係個裁判好有問題… 如果我係chelsea fans真係實激死… no game this weekend… 下禮拜考試…雖然係open book… 但係總要花啲時間睇書~~~ |
| |
